Këngëtarja me origjinë shqiptare, Rita Ora ka zgjedhur, që për tapetin e kuq në Festivalin e Filmit në Venecia të vishet kuqezi, si flamuri kombëtar.
Ajo ka zgjedhur një fustan saten të kuq, i cili në pjesën e mëngëve dhe të gjoksit mban një tyl të zi.
Kjo paraqitje e këngëtares nga Kosova vjen, pas kritikave të shumta, që ajo mori nga fansat, pasi mbajti në duar flamurin e Serbisë në një koncert në Hungari.
Flamurin serb ia hodhi në skenë Ritës një prej fansave, por këngëtarja e menaxhoi shumë mirë situatën, duke treguar vlera qytetarie. /Labirinth
