Rozana Radi i është përgjigjur deputete Zegjine Caushi me një postim në Instagram, pasi kjo e fundit ofendoi Dea Mishelin me një mesazh në adresën e saj të rrjetit social.
“E nderuar zonja Zegjine,
Po ju drejtohem jo për të mbrojtur një person të caktuar, por për të mbrojtur një parim që duhet të na përkasë të gjithëve: respektin për dinjitetin njerëzor. Mund të mos bini dakord me Dea Mishelin. Mund të kundërshtoni mendimet, qëndrimet apo kritikat e saj. Kjo është e drejta juaj. Por kur debati zhvendoset nga argumenti te tallja me pamjen fizike, humbet kuptimin e çdo diskutimi publik. Ju jeni deputete e Kuvendit të Shqipërisë. Pozicioni që mbani kërkon më shumë maturi, më shumë përgjegjësi dhe më shumë shembull. Vajzat e reja që ju ndjekin duhet të shohin tek ju një grua që përballet me kritikat me argumente, jo një figurë publike që përdor fotografi për të vënë në lojë një vajzë tjetër. Unë dua të jetoj në një Shqipëri ku gratë nuk i sulmojnë gratë për pamjen e tyre. Në një Shqipëri ku mendimi i lirë nuk ndëshkohet me bullizëm. Në një Shqipëri ku deputetët frymëzojnë qytetari dhe kulturë debati, jo përçmim dhe fyerje. Sepse dhëmbët, fytyra apo pamja e një vajze nuk janë argument politik. Ato nuk e bëjnë askënd më pak të vlefshëm dhe as më pak të denjë për t’u dëgjuar. Një demokraci e shëndetshme matet nga mënyra se si trajtohen zërat kritikë, jo nga mënyra se si heshten apo poshtërohen ata.
Me respekt Rozana Radi.”, shkruan Rozana Radi.
- Kris dhe Esme celebrojnë dashurinë e tyre, Megi Pojani i shpall burrë dhe grua
- “Si duket ky keci?”, Ermal Mamaqi dhe Mimoza Ahmeti shkëmbejnë batuta: I ke frymëzuar gratë, shohin djem të rinj!
- “Dhëmbët, fytyra apo pamja e një vajze nuk janë argument politik”, Rozana Radi i kthehet Zegjine Caushit: Kur debati zhvendoset nga argumenti, te tallja me pamjen fizike…
- Meri Shehu publikon Horoskopin javor dhe paralajmëron: Këto shenja të kenë kujdes nesër
- Mimoza Ahmeti: Jam me nerva, i them Adit të trashëgohesh se kam gjetur më të mirë se ty!
- “Deklarata më pa lidhje”, Soni Malaj i përgjigjet Jonida Maliqit: Mua këngët mi këndojnë të gjithë!