Bordi i Transparencës ka njoftuar sërish, se është ulur çmimi i naftës. Sipas Bordit, nga 200 lekë që ishte çmimi i naftës ka shkuar 197 lekë për litër.
Benzina do të shitet me 189 lekë/litri nga 190 lekë për litër që tregtohej më parë, ndërsa gazi ka mbetur i pandryshuar dhe shitet me 69 lekë/litri.
Çmimi i gazoilit për peshkim është vendosur 103 lekë/litër.
“Çmimet e caktuara nga Bordi do të hynë në fuqi në datë 2 Shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes“, thuhet në njoftim. /Labirinth
