Prokuroria e Tiranës kërkon dënimin me 1 vit e 6 muaj burg për Princin Leka Zogu II, për incidentin e ndodhur pak muaj më parë në Oborrin Mbretëror.
Në pretencën e dhënë, Prokuroria kërkon 6 muaj heqje lirie për ish-bashkëshorten e Princit, Elia Zaharinë dhe për babanë e saj, Gjergj Zaharinë.
Megjithatë, nëse tre të akuzuarit shpallen fajtorë, organi i akuzës kërkon që dënimi t’u konvertohet në shërbim prove. Seanca në gjykatë është caktuar në 13 dhjetor.
Princ Leka, ish-bashkëshortja e tij Elia Zaharia dhe babai i kësaj të fundit, Gjergj Zaharia, akuzohen për dhunë në familje. Hetimet nisën pas publikimit të një video dhe kallëzimit në prokurori për dhunë në familje. Më 25 prill Gjykata e Tiranës vendosi zgjidhjen e kurorës martesore mes Princ Lekës dhe aktores së njohur. Në vendimin e Gjykatës thuhet se çifti, prindër të një vajze të vogël, kanë vendosur të ndahen pasi kanë pasur konflikte të vazhdueshme, mungesë komunikimi dhe se kishin ndërprerë bashkëjetesën.
Konfliktet e çiftit u bënë publike pas qarkullimit të një videoje, ku Leka, babai i Elias dhe vetë ajo, konfliktoheshin fizikisht mes tyre. Ndërkohë pas këtyre pamjeve, ata përfunduan në Gjykatë, me urdhër mbrojtjeje ndaj njëri-tjetrit. /Marrë nga Top Channel
- Amber ‘e nxjerr blof’ Gjestin: Më the kam 300 mijë euro në bankë. Ja si reagon ai
- VIDEO/ “Nuk jam në shtëpi, sot kam…”, Valbona përlotet, qëndron e vetme në oborr
- “Saturni do ju japë më shumë energji”, Horoskopi i datës 6 Mars
- VIDEO/ Gjesti i gënjeu se do ikte, por u fsheh në lavanteri, banorët ‘shpërthyen’, Egli: Kam mbetur pa fjalë
- “I vetmi që më pa në shpirt”, G Bani falenderon Gjestin pasi doli nga BBV4
- VIDEO/ Gjesti tha se do largohej nga shtëpia, përloten Rozana dhe Danja