Është ndarë nga jeta “Mbretëresha e valles shqiptare”, Liljana Cingu. Lajmin e ka bërë me dije Teatri i Operas dhe Baletit.
“E trishtë ndarja nga jeta e “Mbretëreshës së valles shqiptare”, Lili Cingu. Për vite me radhë, ajo ishte imazhi i Ansamblit të Këngëve dhe Valleve Popullore, duke u dhënë jetë më shumë se 200 valleve të kërcyera prej saj. Lili Cingu i përket asaj plejade artistësh, që e ngjitën vallen shqipe në skenat më të mëdha të botës, duke treguar një Shqipëri tjetër, me kulturë dhe folklor të pasur. Sallës së provave të Ansamblit do t’i mungojë hapi i saj i lehtë, dhe fjala e saj e ëmbël. Por kjo ikje është vetëm fizike, sepse emri i saj do të jetojë bashkë me Ansamblin, e kudo që të kërcehet vallja shqipe, do të jetë edhe kujtimi i Lili Cingut me publikun që aq shumë e deshi dhe e vlerësoi”, shkruan Teatri i Operas dhe Baletit në një postim në “Facebook” pasditen e sotme.
Ajo e ngjiti vallen shqipe në skenat më të mëdha të botës duke i dhënë Shqipërisë një pikëpamje ndryshe, me plot histori, kulturë dhe folklor të pasur.
- FOTO/ Grida Duma i bën motrës urimin e veçantë për ditëlindje
- “Ka ndriçuar jetën tonë”, urimi i Kiarës dhe familjes për Krishtlindje
- Kiara Tito shfaqet si në vitet ’80, ja çfarë mendon Luiz Ejlli
- VIDEO/ Kiara tregon 3 veshjet e Lunës për Krishtlindjen, komenti i Luizit nuk duhet humbur
- VIDEO/ “Më bëre shok, partner, bashkëshort edhe baba”, dedikimi i Luizit për Kiarën në 2-vjetorin e njohjes
- VIDEO/ “A Je Bre Normal?”, Top Channel zbulon se kur do të fillojë programi i ri i Meriton Mjekiqit
