Ministrja Ogerta Manastirliu tha se deri në fund të vitit do të vijnë 500 mijë doza të vaksinës “Pfizer”.
Lajmin e ka bërë të ditur nga Poliklinika Qendrore, ku ka ndjekur procesin e vaksinimit.
“Qeveria ka marrë masat që të vijojë që të kemi furnizim në vazhdim me vaksina. Jemi duke negociuar gjithashtu me Pfizer për 500 mijë doza të tjera të vaksinave Pfizer, të cilat do të jenë pjesë e programit tonë të vaksinimit deri për muajin dhjetor. Këto vaksina parashikohet të vijnë brenda fundit të këtij viti”, tha Manastirliu. /Labirinth
