Inis Gjoni ka reaguar në rrjetet sociale për humbjen e motrës së saj, Ilda Gjoni.
“Sot e shtrenjta motra jonë, Ilda bëri kthimin e fundit për në atdhe, për në familje, për në shtëpi, për tek nëna, për tek fëmijët, pa frymë por me atë buzëqeshjen dhe sharmin e fytyrës dhe shpirtit më të bukur në botë”, shkruan Inisi me dhimbje.
Postimi i Inis Gjonit:
Ildës💔mendimi që do më zgjojë çdo ditë dhe do ngrysë çdo natë të jetës sime!
Sot e shtrenjta motra jonë, Ilda bëri kthimin e fundit për në atdhe, për në familje, për në shtëpi, për tek nëna, për tek fëmijët, pa frymë por me atë buzëqeshjen dhe sharmin e fytyrës dhe shpirtit më të bukur në botë. Je nisur drejt Zotit, që me shumë besim dhe përulësi i lutemi të të strehojë tek kopshtet e Parajsës.
Njeriu përballet dhe tejkalon shumë sprova në jetë, por dhimbja që solli ikja jote kaq e hershme, na ka dërmuar zemrat dhe trishtuar pa fund, ndjesitë dhe mendimet tona. Çdo orë e këtyre ditëve peshon si gurët e rënda të malit, që hesht dhe dëgjon vetëm vajtimin e një ikje pa kthim. Por na ngroh dielli që ti le pas, fëmijët, punët e mira vlerësimet aq të vyera të miqve, të afërmve, kolegëve dhe kushdo që të ka njohur dhe ka dëgjuar për ty.
Jeta që ti jetove na frymëzon, dashuria energjia dhe mirësia jote na bënë të ndjehemi kaq shumë krenare që ishim pjesë e çdo dite dhe misioni tënd. Fëmijët e tu të bukur dhe të mbarë do jenë amaneti yt i gjallë që neve së bashku të qëndrojmë gjithmonë një familje e fortë, me vlera dhe me qëllime të forta. Sot do mbesin dhe shumë shumë radhë të tjera pa shkruar, por që çdo natë do ti them kur të takoj në ëndrra, ti engjëll në qiell dhe unë duke lotuar në shtrat nga malli për ty.
Zoti u kujdestë për ty dhe për çdo nënë që largohet nga kjo jetë që mbetet një udhëtim i ashpër dhe me fund të sigurt.
Amiin🙏🏼
- VIDEO/ Top Channel në zi! Nga Ledioni te Arbana, dedikimet prekës për punonjësen e televizionit që u nda nga jeta
- Neda Balluku-G Banit: Valbona po të përdor nga mëngjesi në darkë!
- Debati i ashpër i Arsidës me Valbonën, G Bani: Rrugaçe!
- “Një ndryshim pozitiv në karrierë, financa dhe rritje personale”, Horoskopi i Gaforres për vitin 2025
- Meri Shehu tregon shenjën e HOROSKOPIT që do të triumfojë këtë javë
- “Fto Lori dhe Sara Hoxhën në emision”, ja si i përgjigjet Arbana Osmani ndjekësit
