Në media, ditët e fundit u fol për një zënkë mes dy motrave Gixhari, Oltës dhe Gertës.
Ishte gazetari Andi Vrapi i cili tha në “Fan Club” se, motrat prej pak kohësh nuk ndiqen në rrjetet sociale dhe nuk kanë marrëdhënie të mirë me njëra-tjetrin.
Ndërkohë, ajo që me siguri dihet tashmë është se, Olta Gixhari nuk ka marrëdhënie të mira me ish-banoren e Big Brother Vip, Zhaklina Gjollën. Mirëpo me Gertën, Zhaklina ka miqësi e marrëdhënie shumë të mirë.
Këto të fundit ishin sot të ftuar në “Dielli apo hëna”, në “E diell”, ku u bën pjesë e një loje me pyetje.
Kur Zhaklina u pyet se cili person duhet të largohet nga Big Brother Vip, ajo tha menjëherë emrin e Oltës, ndërsa Gerta mori hak, duke i hedhur një pluhur që mbante në duar.
E gjitha kjo në kuadër të lojës. Vajzat qeshën të dyja, ndërkohë që Gerta tregoi se, me Zhaklinën ruajnë një raport miqësor. / Labyrinth
