Ledion Liço ka folur sërish për fillimet e karrierës, drejtimin e Top Albania Radio-s, prezantimin e Big Brother Vip dhe themelimin e Top Channel Films.
“Kjo marrëdhënia e fuqishme intensive që ti ke me ëndrrën që të krijohet dhe dëshira që ke për ta materializuar atë që ke kultivuar gjatë viteve, është një lloj realizmi i saj për të cilën ti ke punuar. Top Channel Films për mua ishte një realizim i diçkaje që nuk ka qenë në pjesën kryesore të sirtarit të ëndrrave, por në atë sirtar ka shumë hapësirë. Uroj të bëjmë gjëra të bukura, është e vështirë, por nëse do ishte e lehtë do e bënin të gjithë. Për mua arti dhe kultura nuk duhet kategorikisht të shihen si biznes. Mund të ishte më mirë, mund të ishte më keq, por në asnjë moment nuk është parë vetëm si biznes. Është një e mesme e artë. Jam i lumtur për mënyrën si shkoi, jam krenar që në një film munda të shikoj një nga idhujt e mi Ndriçim Xhepën për mua ajo ka qenë një kujtim i pashlyer. Dëshira jonë është që të bëjmë gjithmonë edhe më shumë gjëra ambicioze. Po punojmë me diçka tani që është shumë ambicioze, por kjo është e bukura. Atë i sugjeroj të gjithëve, të përqafojnë të vështirën. Të përqafojnë më shumë jo-të sesa po-të, të duan njerëzit që i kritikojnë më shumë se ata që i vlerësojnë. Jam mirënjohës ndaj atyre që më kanë inkurajuar, por jam mirënjohës edhe më shumë ndaj atyre që më kanë kritikuar”, tha Ledioni.
- Ja disa këshilla për një make up të bukur dhe profesional
- “Duket sikur jetojmë brenda një oxhaku”, Bebe Rexha reagon pas zjarreve masive në Los Angeles
- “Fuqia juaj financiare është rritur sot”, Horoskopi i datës 11 Janar 2025
- VIDEO/ Gjesti provokon banorin e BBV4, i afrohet për një puthje në buzë
- VIDEO/ Valbona flet për Laertin dhe G Banin: Ata nuk më dinë as mbiemrin, si do më bëjnë për vete?
- VIDEO/ Aldo thyen kutinë e tretë të emergjencës: Kjo banore e BBV4 do të jetë përherë në nominim
