Ministrja Mirela Kumbaro ka bërë me dije se, Këshilli i Ministrave ka vendosur, që të caktohen zonat që duhet të jenë të qeta dhe ato ku mund të zhvillohen aktivitete gjatë verës.
"Miratuam amendimet për zhurmat në mjedis. Edhe një vit më parë, një nga gjërat që kishim më shumë problem ishte ndotja akustike për shkak të muzikës së lartë në lokale e restorante“, ka thënë ministrja.
Sipas saj, fashat orare do të jenë nga ora 12 e drekës deri në 12 të natës.
“Fashat orare për sezonin e verës për aktivitetet muzikore do të jenë nga ora 12 e drekës deri në 12 të natës dhe në përputhje me hartëzimin e bërë nga bashkia“, vijoi më tej. / Labyrinth
