Aktorja Elia Zaharia, në një lidhje telefonike në emisionin “Zona Zero” të Milaim Zekës ka rrëfyer detaje nga situata e ndodhur mes familjes së saj dhe ish-bashkëshortit, Princit Leka.
Conversation:
Zeka: Si jeni njohur me Princin?
Elia Zaharia: Jemi njohur në Tiranë gjatë pushimeve verore, kur unë kthehesha një herë në vit për të takuar familjarët.
Zeka: Kishe dëgjuar që nga oborri mbretëror ishte planifikuar që Princi të martohej me vajzën e ish-presidentit Rugova, Teutën?
Elia Zaharia: Asnjëherë, nuk janë diskutuar këto gjëra. Nuk kam një koment se nuk është diçka që më përfshin.
Zeka: Pse keni reaguar në mënyrë aq të rreptë apo agresive, në video?
Elia Zaharia: Unë arsyet i kam sqaruar edhe në organet përkatëse. Për shkak të konfrontimit që pashë midis ish-bashkëshortit tim dhe babait. Nuk do të kisha zgjedhur kurrë që kjo të ndodhte, dhe aq më tepër të servirej kjo, pasi është një moment intim, familjar. Përpos statusit, unë jam njeri prej mishi, gjaku dhe shpirti.
Zeka: Reagimi yt lidhet me atë anë njerëzore…
Elia Zaharia: Po por nuk do të doja të zgjatesha për diçka që është në organet hetimore. Nuk ka asnjë arsye tjetër, çdo gjë ka qenë e sqaruar paraprakisht. Kjo që na ndodhi për familjen time ishte një rrufe në qiell të hapur, pasi ndarja po shkonte normalisht.
Zeka: Vajza si e ka pritur këtë?
Elia Zaharia: Në konfrontimin tim me Princ Lekën, vajza nuk ka qenë e pranishme, por ka qenë e pranishme gjatë konfrontimit të tij me babain tim, për këtë jam e lënduar. Për hir të vajzës time kam zgjedhur të mos baltos kërkënd. Çdo gur që sot hidhet mbi mua apo babain e saj, nesër do të kthehet në peshë për të.
- “Beqarët do të fillojnë një etape të re në jetën e tyre”, Horoskopi i datës 5 Janar 2025
- Gerta Gixhari i kthehet Rozana Radit: Unë e fitoj këtë lojë edhe duke fjetur gjumë
- Dalin pamjet për herë të parë/ Pas debatit me Gerta Gixharin, Livia Brunga pëson atak paniku
- VIDEO/ Arbër Hajdari viziton mamanë e Klajdi Musabelliut, nis puna për rikonstruktimin e banesës
- Julia Ilirjani reagon për publikimin e takimit të Parashqevisë me djalin: Me gjithë përpjekjet tuaja për të hedhur baltë…
- “Nuk e di a jam baba i mirë”, Eno Popi flet për familjen
