Shërbimi meteorologjik ushtarak ka bërë parashikimin e motit për këtë javë. Sipas SHMU, moti do të jetë me temperature shumë të ulëta.
"Për javën që presim përpara vendi ynë do të ndikohet nga masa ajrore të acarta me origjinë verilindore (siberiane) me temperatura që do të “mbërthehen” në vlera negative në pjesën më të madhe të territorit”, thuhet në njoftimin e SHMU-së.
Por, nga ana tjetër bëhet me dije se, në të gjithë territorin parashikohet një mot i kthjellët.
"Në këtë mënyrë; për shkak të origjinës së masave ajrore kontinentale dhe të thata moti parashikohet i kthjellët në të gjithë territorin me vranësira të pakta deri mesatare kalimtare në relievet malore për të gjithë javën”, thuhet më tej.
Po ashtu era do të fryjë me drejtim kryesor nga kuadrati i veriut për të gjithë javën me shpejtësi mesatare 1-8m/s ndërsa hera-herës përgjatë vijës bregdetare dhe zonat luginore e fortë dhe shpejtësi deri në 10-15m/s. /labyrinth
