Aktori shqiptar Arben Dervishi prej 12 vitesh është shpërngulur bashkë me familjen në SHBA. Mirëpo, shfaqja “Karnavalet e Korçës” e riktheu atë në teatrin e qytetit krah partneres së tij në skenë, Zamira Kitës.
Teksa ishte i ftuar ditën e djeshme në emisionin ‘Rudina’ ai tregoi se shkoi në SHBA, në vitin 2003. Tej misterit e magjisë së SHBA-ve që premton mundësi, aktorin shqiptar e pritën edhe punë të zakonshme. Për 16 vite, Arben Dervishi zbuloi se ka punuar si shofer kamioni.
Biseda në studio:
Rudina Magjistari: The që ke bërë edhe punë të vështira, të rëndomta i quajte ti më herët që unë them çdo punë është dinjitet në fund fare, por ndoshta s’kanë qenë punë artistike.
Arben Dervishi: Unë largohem nga Korça pasi bëj një recital me Zamirën si shfaqje përmbledhëse, “Sa ka parë Korça si këto”, dhe ishin 23 shfaqje të dhëna rresht në Korçë me një sallë me 500 se ishte shumë e madhe dhe ti shkon e përplasesh atje që do të bësh punë të ndryshme. Kam bërë pastrime, pastrim lokalesh, ndërtesash, pastaj kur u ktheva herën e dytë unë fillova të punoja shofer mauneje sepse nuk mundje ta mbaje veten me rroga kaq të vogla ndërsa shoferi i maunes ishte një rrogë shumë e mirë. Rrugë shumë të gjata, me një gjuhë copë-copë, pësoje stres, si do të më presin, çfarë do të më thonë kur të shkoj atje, si do ta gjej rrugën, ku do të shkoj unë i ziu, si do të më shkojë kjo makina, ishte një stres i tmerrshëm. Madje kur kam ardhur te “Puthja”, te një komedi që më ka thirrur Korça, po të them që nuk mbaja mend tekstin, e kisha të tmerrshme ngaqë kisha përjetuar rrugën e gjatë, më hidhërohej goja kur udhëtoja, isha shumë i stresuar, një profesion që ti s’e ke pasur, rrugë që s’i njeh, njerëz që të presin që ti s’di gjuhën. Ishte e tmerrshme. E vazhdova pastaj se u lehtësua dhe ajo punë, e vazhdova 16 vjet.
- VIDEO/ A ju duket Samanta Karavella shtatzënë sepse fansave po!
- FOTO/ Elia Zaharia shkëlqen me fustanin e kuq, fansat e komplimentojnë
- VIDEO/ Ermal Mamaqi zbulon filmin e parë të Bora Zemanit
- Tërmeti godet vendin shumë pranë Shqipërisë
- Nga Egla Ceno te Heidi Baci, zbulohen 5 moderatoret që do prezantojnë “Goca dhe Gra”
- Zbulohet televizioni dhe programi ku do ta shohim Rudina Dembacajn
