Reperi Stresi ishte i ftuar në “Ftesë në 5”, ku moderatorja Bieta Sulo e pyeti, se sa kushtonte veshja e tij.
“10 mijë euro p.sh, shkon veshja? Totali yt tani. Nejse jo po të shohim orën dhe byzylykët shkojnë njëçikë më shumë“, e pyeti Bieta.
Ndërkohë Stresi ia ktheu me humor, duke përdorur të njëjtën batutë si ish-presidenti Bamir Topi, i cili gjithashtu ishte intervistuar nga Bieta Sulo.
“Dëgjo, këto janë byzylyk dhe orë që i përshtaten formatit tim“, tha Stresi dhe qeshi.
“E kuptova ku e hodhe llafin. Është një nga videot më virale, kjo të cilës ti iu referove“, tha Bieta, duke qeshur edhe ajo. / Labyrinth
