Kryeministri Edi Rama ka njoftuar se, paga minimale shumë shpejt do të shkojë në 40 mijë lekë. Deklaratën, kreu i qeverisë e bëri gjatë një takimi me studentët, të cilët janë përfitues të bursave të lëndëve të shpallura si prioritet kombëtar.
"Dua tju them një sekret, jemi ketu midis nesh dhe mbase është gjëja e duhur që të ndaj me ju. Paga minimale shumë shpejt do të shkojë në 40 mijë lekë dhe kur them shumë shpejt, çështje disa javësh dhe do të fillojë të aplikohet brenda pak muajsh për të gjithë, ne nuk duam të ketë një pagë poshtë 40 mijë lekësh si në sektorin publik dhe privat”, tha Rama.
Që prej prillit të 2022-shit paga minimale është 32 mijë lekë. / Labyrinth
