Lideri i partisë kryesore opozitare të Shqipërisë dha dorëheqjen, të hënën, nga posti pas përçarjeve të brendshme.
Lulzim Basha tha se kishte vendosur të jepte dorëheqjen si kryetar i Partisë Demokratike “për të ndihmuar në ringjalljen dhe unitetin e demokratëve”.
Shkarkimi i ish-liderit të partisë, Sali Berisha nga grupi parlamentar i drejtuar nga Basha, në shtator, shkaktoi një grindje brenda partisë. Berisha krijoi një grup që kërkonte të largonte Bashën nga posti, duke e akuzuar atë si “peng” të kryeministrit Edi Rama dhe të Partisë Socialiste.
Në janar, mbështetësit e Partisë Demokratike u përleshën me njëri-tjetrin, ndërsa u përpoqën të sulmonin selinë e partisë së tyre.
Basha e ndoqi Berishën në këtë post, kur ky i fundit dha dorëheqjen në vitin 2013 pas humbjes së zgjedhjeve parlamentare.
Më herët, demokratët humbën me shumicë dërrmuese në zgjedhjet e parakohshme në gjashtë bashki. Ishte humbja e fundit e Bashës në nëntë vitet që ai ka udhëhequr demokratët.
Në maj 2021, Sekretari i Shtetit të SHBA, Antony Blinken caktoi Berishën dhe anëtarët e familjes së tij si persona non grata për “akte korr.uptive që minuan demokracinë në Shqipëri” gjatë mandatit të Berishës si kryeministër 2005-2013.
Washingtoni gjithashtu e ka bërë të qartë se nuk do të bashkëpunonte me Partinë Demokratike të Shqipërisë, nëse ajo do të drejtohej nga Berisha.
* Shkrimi është ripostuar edhe nga “Washington Post” e cila citon “Associated Press“.
/Adapted from Associated Press for Labyrinth
