Parlamenti i Holandës vërtet votoi pro nisjes së negociatave mes Bashkimit Europian dhe Shqipërisë për anëtarësimin e kësaj së fundit dhe ky është një lajm shumë i mirë, por gjithmonë ka një “por”.
Në mocion thuhet se “Shqipëria së fundmi ka bërë përparim në çështjet e kërkuara nga Bashkimi Evropian duke vënë në dukje se fillimi i negociatave të pranimit për Shqipërinë është vetëm fillimi i një proces të gjatë reformash.”
Ndërsa kushti i Holandës është që të monitorojë në mënyrë të vazhdueshme progresin e Shqipërisë nga Komisioni Evropian.
Holanda kërkon përfshirje me përfaqësues të saj që do të raportojnë çdo vit në parlamentin holandez, sidomos në veçanti për çështjet e bashkëpunimit gjyqësor dhe migrimit.
Ndërsa më 22 qershor pritet mbledhja e Këshillit Evropian, ku Unioni do të vendosë nëse do të ketë apo jo një datë për Konferencën e Parë Ndërqeveritare me Shqipërinë dhe Maqedoninë e Veriut. / Labyrinth
