Nëse në fundjavë moti është i vranët dhe e ka dhënë me shi, vish atletet dhe ngjitju malit. Unë zgjodha Castell’Arquato, një fshat i bukur mesjetar i vendosur në kodrat e Val’DArda, në provincën e Piacenza në rajonin Emilia Romagna të Italisë.
Castell’Arquato vendoset rreth tridhjetë kilometra nga Piacenza dhe pak më shumë nga Parma. Sapo futesh në fshat sheh një kafe të bukur, ku të shërbejnë pije të lezetshme të shoqëruar me antipasta tradicionale.
Fshati është ndërtuar sipas strukturës së fshatrave mesjetare dhe nuk ka pësuar shumë ndryshime gjatë viteve.
Sapo merr rrugën drejt kështjellës, sheh një fshat, detajet e së cilit tregojnë se kultura, historia dhe pasuritë natyrore bashkohen në një harmoni të përsosur.
Dhe për të zbuluar akoma më tepër shihni videon dhe fotot më poshtë. / Labyrinth
