Pas përplasjes së Presidentit Ilir Meta me Policinë Bashkiake, Kryetari i Partisë Demokratike, Lulzim Basha ka shkuar tek zyrat e Partisë Fryma e Re Demokratike.
Për mediat, ai tha se kryeministri Edi Rama e ka humbur mendjen nga paniku i humbjes së zgjedhjeve të 25 prillit.
“Sot po i them bishës së plagosur se nuk ke shans ta trembësh dhe ta frikësosh popullin, që ka vendosur të largojë me votë më 25 prill. 25 prilli është ditë ndryshimi, këtë e dini ju të dashur qytetarë, këtë e dimë ne, e dinë miqtë dhe faktori ndërkombëtar, këtë e di farë mirë edhe Edi Rama. Ngjarja e sotme është pjesë e një serie ngjarjesh që tregon një gjë. Ka humbur mendjen, ka dalë nga fiqiri nga paniku i humbjes dhe prej drejtësisë që e pret atë dhe gjithë të tjerët që e kanë shndërruar shtetin shqiptar në një strehë të krimit dhe oligarkisë”, tha Basha.
Kujtojmë se FRD është pjesë e koalicionit të PD me aleatët, ndërsa kryetar ka Sali Shehun. /labyrinth
