Kryeministri Edi Rama tha sot se vendi do të mbyllë brenda marsit vaksinimin e të gjitha bluzave të bardha, ndërsa shumë shpejt do të nisë edhe vaksinimi masiv i popullsisë.
“Me “Pfizer” siguruam kontratën jashtë radhe, në një kohë që shumë vende të rajonit nuk e kanë. Ashtu do arrijmë brenda javës së dytë të marsit të vaksinojmë të gjitha bluzat e bardha dhe shumë shpejt nis vaksinimi masiv, është çështje kohe. Kohë e shkurtër, jo e gjatë. Jemi shumë afër. Më vjen keq që s’po e them fjalën e fundit, por me zor po pres”, u shpreh kryeministri. / Labyrinth
