Kreu i Partisë Demokratike, Lulzim Basha dha sot dorëheqjen.
“Nuk dua të ndalem në çfarë ka ndodhur e si, kush kishte të drejtë e kush gabim. Fatkeqësisht përpjekja për të mbajtur PD të bashkuar nuk kishte sukses. Unë dhe demokratët u përballëm me akuza të shumta dhe sot PD po përjeton një krizë të thellë. Për këtë arsye dhe për të ndihmuar PD-në të lënë mënjanë ndasitë, i vetëdijshëm për peshën që mora, dorëhiqem nga detyra e kryetarit të PD-së me qëllimin për të ndihmuar në ringritjen e PD-së”, tha Basha para mediave.
Mirëpo kush do ta marrë drejtimin e PD-së, tani?
Sipas nenit 46 të statutit të partisë, drejtimin e saj deri në zgjedhjen e kryetarit të ri, e merr njëri nga nënkryetarët.
Në këtë rast, drejtimin e partisë e merr ose nënkryetarja Jorida Tabaku ose Enkelejd Alibaj.
/Labirinth
