Modelja Emina Cunmulaj ka folur sot në podcastin e kryeministrit Edi Rama, ku tha se fillimet e karrierës së saj ishin shumë të vështira.
Ajo tregoi se ishte 15-vjeç, kur ndodhej në Itali, dhe flinte pa ngrënë bukë.
“Vetë bukë s’kam pasur të ha kur kam qenë 15 vjeç në Itali e më telefononte babai e më thoshte, “si je, bija ime?’’ -Mirë- i thosha- babë. Gjithçka në rregull. Shkoja të flija, barku më dhimbte. Shkoja të flija e çohesha natën. Më kishin dhënë 200 lira në atë kohë për t’i harxhuar për tre javë ditë, për të marrë metronë, për të ngrënë dhe për shkuar për të kërkuar punë si modele”, rrëfeu Emina. /Labirinth
