DASHI
Sot fillon për ju një realitet që deri dje nuk keni dashur as ta shikoni, as ta pranoni. Bashkëpunime që prishen dhe një ecuri që dëmtohet nga gabime të përsëritura ju vendosin përballë asaj që nuk mund të fshihet më. Vjeshta kërkon të shihni të vërtetën pa zbukurime.
DEMI
Dita e sotme dhe vazhdimi i saj do t’ju tregojnë se përditshmëria mund t’ju bëjë të ngrini vetullën lart. Disa probleme që nuk i kishit menduar kaq serioze fillojnë të dalin nga hija dhe mund t’ju sjellin jo pak dhimbje koke. Ajo që dukej e vogël mund të kërkojë shumë më tepër vëmendje.
BINJAKËT
Sot dhe gjatë gjithë vjeshtës mund të kërkoni të drejtën tuaj në dashuri dhe shoqëri, por ajo mund të mos ju jepet aq lehtë. Madje mund t’ju lodhë shumë më tepër nga sa kishit menduar. Tuneli sentimental ekziston, por fundi i tij vjen vetëm pas disa muajsh.
GAFORRJA
Po të mos ju njihja që gjithmonë gjeni një sup ku të qaheni dhe të mbaheni, do të thosha se nga sot dhe deri në fund të vjeshtës jeni në pikë të hallit. Alternativat mbështetëse pakësohen dhe këtë herë nuk do të jetë kaq e lehtë të gjendet dikush që t’ju fshijë lotët me shami. Do t’ju duhet të mbështeteni më shumë tek vetja.
LUANI
Një vështirësi mund të hapet këto ditë në planin ligjor. Nëse shfaqet si problem, mund t’i duhen dy ose tre muaj për t’u mbyllur, duke ju zvarritur në një territor aspak të përshtatshëm për ju, fizikisht dhe moralisht. Kujdes me çështjet që duken të vogla, por kanë bisht të gjatë.
VIRGJËRESHA
Nga sot deri në fund të vjeshtës do t’i thoni bukës: “Bukë, ku je?”. Një ngarkesë apo pengesë nuk e lë buxhetin dhe begatinë të hapen ashtu siç dëshironi. Presioni ekonomik mund t’ju lodhë në energji, reagim dhe fantazi, duke ju detyruar të bëheni shumë më realistë me atë që hyn dhe atë që del.
PESHORJA
Nga sot dhe gjatë muajve në vazhdim duhet të pranoni disa kushte në bashkëjetesë dhe punë. Detyrimet dhe mundësitë tuaja nuk ju lejojnë më të ecni të krekosur nëpër rrugë ku të tjerët kanë dhënë beteja. Disa rregulla ndryshojnë dhe ju duhet të ndryshoni bashkë me to.
AKREPI
Një shtrëngim shpirtëror jeni të detyruar ta pranoni nga sot dhe për rreth dy muaj. Rregullat e lojës ashpërsohen dhe nëse nuk ashpërsoheni edhe ju aty ku duhet, rrezikoni të humbni terren në dinjitet dhe dashuri. Kjo vjeshtë nuk toleron më gjysmëmasa.
SHIGJETARI
Nga sot mund të filloni të ndjeni një pasiguri në jetën personale, por në disa raste edhe të fitoni një ndërgjegjësim të fortë se jo çdo gjë fitohet lehtë apo shtrohet gati mbi tavolinë. Për dy ose tre muaj jeta humbet pak nga ngjyrat, argëtimi dhe lehtësia në dashuri. Ajo që mbetet do të tregojë sa e vërtetë ishte.
BRICJAPI
Hyni në një nga periudhat më të komplikuara dhe më të vështira të vitit. Çështjet familjare dhe karriera ju tregojnë anën e tyre më të fortë, të ftohtë dhe të panegociueshme. Kujdes të veçantë në biznes dhe pronësi. Vjeshta ju vendos përballë vendimeve që nuk mund të shtyhen pafund.
UJORI
Hyni në një fazë ku ju duhet një program shumë më i fortë për planet tuaja. Ju i kapërceni kollaj kufijtë, i shkrini situatat e tanishme sikur të mos ekzistonin dhe kaloni drejt së ardhmes pa pasaportë. Por për dy muaj kufijtë do të ekzistojnë dhe këtë herë janë aty për të mirën tuaj. Realiteti do t’ju kërkojë dokumentet në kufi.
PESHQIT
Realiteti ekonomik dhe ai shpirtëror mund të gjenden në kundërshtim të plotë. Tjetër shpenzoni dhe tjetër fitoni, ndaj përputhja mes personave, shpenzimeve dhe dramave bëhet gjithnjë e më e vështirë. Kush e paguan faturën dhe sa kushton në të vërtetë ajo që po jetoni, do të kërkojë dy ose tre muaj për t’u sqaruar. Dhe disa fatura nuk paguhen vetëm me para.
- Greta flet për marrëdhënien e saj me Selin pas BBV5: Nuk jemi takuar shpesh, por…
- “Hyni në një nga periudhat më të komplikuara dhe më të vështira të vitit”, Meri Shehu paralajmëron këtë shenjë Horoskopi
- Këto 3 shenja të horoskopit po hyjnë në periudhën e tyre më të mirë
- Gjykata e Hagës dënoi liderët e UÇK-së, Leonora Jakupi në lot: Mu duk sikur ma kanë vra për herë të dytë babën…
- Çiljeta Xhilaga tregon dëshirën për të patur fëmijë me Albanin: Kisha vendosur ose do bëja binjakë, ose…
- Djali i Hashim Thaçit reagon pas vendimit në Hagë: Këtë histori nuk mund ta ndryshojë asnjë vendim!