Katërmbëdhjetë mjekë dhe infermierë turq, si dhe 20 infermierë shqiptarë janë bërë pjesë e Spitalit Memorial të Fierit, duke e çuar kështu numrin në 127.
Lajmin e ka dhënë Ministrja e Shëndetësisë Ogerta Manstirliu me një njoftim në rrjetet sociale.
“Edhe 14 mjekë dhe infermierë turq dhe 20 infermierë shqiptarë sapo i janë bashkuar super ekipit të Spitalit Memorial të Fierit. 127 mjekë dhe infermierë të skuadrës së përbashkët shqiptaro-turke tashmë janë në shërbim të qytetarëve të rajonit të #jugut të vendit, në një spital ultra modern, me shërbim të standardeve bashkëkohore”, thuhet në njoftim. /Labirinth
