Sinoptikania Lajda Porja ka bërë parashikimin e motit për fundjavën. Sipas saj në zonat e ulëta dhe bregdetare nuk do bjerë shi, por vetëm në zonat malore.
“Fundjava do të sjellë përmirësime të dukshme të motit, në zonat bregdetare dhe në zonat e ulëta sidomos gjatë vijës bregdetare ku dhe pse do të ketë vranësira nuk do të kemi reshje. Sa i përket zonave malore do të vijojnë të jenë në masa ajrore të paqëndrueshme, ku paraditja do të jetë nën mbizotërimin e kthjellimeve ndërsa pasditja do të sjellë shira dhe rrebeshe të herëpashershme”, tha ajo për Abcnews.
Mesa duket koha do të jetë e favorshme për plazh. /Labirinth
