Këngëtarja Albërie Hadërgjonaj ka qenë e ftuar në emisionin “Ndryshe”, ku ndau detaje të reja për jetën e saj personale dhe profesionale, si dhe për projektet që pritet të publikohen këtë muaj.
Albëria u bë nënë në moshën e hershme të 16 vjeç, dhe kur u pyet për mendimin e saj mbi martesën në rini, ajo dha një këshillë për vajzat e reja: “Martesa në moshë të re nuk është gjithmonë e shëndetshme. Në kohën time, ishte një mentalitet i prapambetur, por sot vajzat duhet të bëjnë kujdes me vendimet e tyre.”
Në bisedën e saj, ajo foli edhe për marrëdhënien aktuale me ish-bashkëshortin, me të cilin nuk kishte folur për vite të tëra.
“Nuk e doja ta shikoja me sy për një kohë të gjatë, por tani jemi mirë, secili ka jetën e tij dhe jam e lumtur për të“, u shpreh ajo.
E pyetur për arsyen pse nuk është martuar sërish, Albëria shtoi me një buzëqeshje: “Kur bën një gabim një herë, të dytën jo. Kam mësuar që lumturia vjen nga brenda dhe askush nuk mund ta japë atë nëse nuk je mirë me veten.”
- VIDEO/ Bëmë mama të të ngjaj, Kiara dhe Luna shfaqen plot stil
- Efi Dhedhes publikon foton që nuk e kishte zbuluar kurrë
- VIDEO/ Heidi Baci publikon pamjet, e kalon ditën me “shoqen” e saj të ngushtë
- “Sot do të keni një flirt shumë të këndshëm”, Horoskopi sipas Meri Shehut
- VIDEO/ Mundje dore mes Megi Pojanit dhe Edi Manushit, ja kush fitoi
- “Do të kemi dasmë vitin e ardhshëm”, Fjolla Morina flet për partnerin: Më do shumë, por…
