Tenori Armaldo Kllogjeri dhe njëkohësisht ish-banor i BBVIP 2 ka reaguar ashpër ndaj disa komenteve që janë bërë në drejtim të tij, duke i thënë se “përfundove nga tenor në dasmaxhi”.
Kjo e ka irrituar maestron, i cili me anë të një videomesazhi thotë se “nuk i ka bërë keq askujt”. Nuk ka asnjë problem thotë ai që me zërin e tij shkon në familjet e nderuara shqiptare që e thërrasin për të kënduar.
Po ashtu, Armaldo Kllogjeri tha se ka hedhur në gjyq Teatrin e Operas dhe Baletit, që e hoqën nga puna.
“Kjo video është për ata që komentojnë në një mënyrë tallëse që thonë, ‘o i shkreti ti, mbete pa punë, t’u prish karriera, nga një tenor përfundove në dasmaxhi’. Po mirë kam një pyetje, kujt i ka hyrë në hak? Kujt i kam bërë keq unë? Që me zërin tim shkon në familje të nderuara që më thërrasin dhe këndoj, apo s’ka problem ‘ky le të rrijë pa bukë, pa punë, t’ia mbajë dynjaja kalamajtë’… Ua kam thënë një herë që jam në gjyq! Dhe ja ku po ua them! Kam hedhur në gjyq Teatrin e Operas dhe Baletit i cili një muaj pa mbaruar Big Brother më ka hequr nga puna në një mënyrë të rrufeshme, pa iu dridh qerpiku fare, pa menduar se ky person ka kontribuar në teatër 20 vjet, 20 vjet lumenj djerse, sakrifica emocione, e kemi mbajtur Teatrin dhe në kushte më të vështira dhe Teatri pa vënë logjikën në punë më lë në rrugë me nusen shtatzënë dhe një fëmijë të mitur. Po ua them se ju nuk besoni, megjithatë ia kam lënë drejtësisë. Por do t’u them dhe një gjë tjetër, shikoni punët tuaja, hallet tuaja se të miat i zgjidh vetë”, deklaron ai, i cili shtoi se “për fëmijët e mi, do t’i shkoj me çdo çmim deri në fund”, tha Armaldo.
- Luizi iu përgjigjet kritikave për muzikën: Kam për detyrë të kujdesem për Lunën, jam i detyruar të…
- E konfirmuar! Ja kush do të jenë 3 prezantuesit e “Portokalli”
- “Kurrë nuk kam pasur dëshirë të kem fëmijë”, këngëtari i njohur shqiptar: As unë as bashkëshortja
- Ronela Hajati bën deklaratën e fortë: I kam disa emra shqiptarësh, sinonim të Diddy
- Jo në Kosovë! Zbulohet ku do ta shohim Meriton Mjekiqin këtë sezon të ri televiziv
- VIDEO/ Qytetari përplas makinën pas intervistës me gazetarin
