Ingrit Gjoni ka reaguar pas humbjes së motrës së saj, Ilda Gjoni. Në një postim në Instagram, ajo shkruan se, ky është publikimi më i vështirë i jetës së saj.
Ajo shkruan se, “lda Gjoni, nuk ishte veç motra jonë e mrekullueshme, ajo ishte vajza shembullore, nëna më e përkushtuar e Anës, Vikit dhe Rodeos, bashkëshortja e lumtur e Mikenit, shoqja që kushdo do të donte, mikesha që e kishte zemrën hapur për të gjithë. Ishte buza e qeshur, për të njohur dhe të panjohur.”
Postimi i Ingrit Gjonit:
Ky është publikimi më i vështirë që kam bërë në jetën time… Nuk e kisha menduar kurrë që do të shkruaja për ikjen e motrës sime, më të mirës prej nesh.
Ilda Gjoni, nuk ishte veç motra jonë e mrekullueshme, ajo ishte vajza shembullore, nëna më e përkushtuar e Anës, Vikit dhe Rodeos, bashkëshortja e lumtur e Mikenit, shoqja që kushdo do të donte, mikesha që e kishte zemrën hapur për të gjithë. Ishte buza e qeshur, për të njohur dhe të panjohur.
Ajo ishte tezja më fantastike, që u bë mami e dytë e Paridit. Unë nuk do mundem kurrë të shkruaj as 1% të asaj që meritonte Ilda. Besoj shumë që Zoti do ta shpërblejë me Parajsë për çdo gëzim që solli mes nesh në Tokë. Engjët dhe qielli janë shtëpia e saj sot dhe unë lutem për paqen e saj. Ilda, motra të do shumë gjithmonë dhe të premtoj që do kujdesem përjetë për dritat e syve të tu.
Faleminderit të gjithëve ju për dashurinë dhe kujdesin e treguar ndaj nesh. Zoti ua shpërbleftë me të mira!
Përcjellja e fundit dhe homazhet do të bëhen më 29 dhjetor nga shtëpia funerale “Parajsa”, ora 14:00, në Sharrë.
- VIDEO/ Sara Hoxha zbulon pamje nga shtëpia e Big Brother VIP 4
- VIDEO/ Elia Zaharia reagon pas vendimit të Prokurorisë për të, babain dhe Princ Lekën
- “Më është lodhur shpirti”, kjo banore e “Big Brother VIP Kosova” kërkon të largohet nga shtëpia
- Sherri me Elia Zaharinë dhe ish-vjehrrin, Prokuroria kërkon dënim për Princ Lekën
- “Kjo është një ditë e shkëlqyer”, Horoskopi i datës 13 Nëntor
- “Ish-bashkëshortin nuk doja ta shikoja me sy, por…”, Albërie Hadërgjonaj tregon pse nuk u martua sërish
