Faqja në Instagram e “Dancing With The Stars Albania” ka publikuar të gjithë anëtarët e jurisë, duke nisur nga Olta Gixhari, Lori Bala, Valbona Selimllari dhe kryetarin e Jurisë, Ilir Shaqiri.
“Balerin dhe koreograf i shquar në Shqipëri dhe jashtë saj. Pjesë e programeve televizive italiane si “Buona Domenica” apo talent show i famshëm “Amici”. Ka qenë për 7 edicione radhazi kryetar jurie në “Dancing With the Stars”. Karizmatik, por edhe thumbues, ju prezantojmë me Ilir Shaqirin, Kryetarin e jurisë së #DWTS“, shkruhet në faqen e DWTS në Instagram për Ilir Shaqirin.
“E para në Shqipëri me një titull bukurie, Valbona Selimllari nuk ka ngurruar të kërcejë në skenë. Sezonin e kaluar ajo përforcoi dashurinë e publikut për të me komentet e shumta dhe batutat virale. Sa kritike do të jetë ajo me 15 çiftet e #DWTS?!”, shkruhet për Valbona Selimllarin në faqen e DWTS në Instagram.
“Shquhet për profesionalitetin e saj, natyrën kërkuese dhe kritike. Lori Bala ishte pjesë e kastit të balerinëve në sezonin e parë të DWTS dhe më e spikatura, duke marrë kështu ftesën live në gjysmëfinale për të qënë pjesë e jurisë. A do vendosë ajo shumë dhjeta në #DWTS?!”, thuhet në postimin për Lori Balën.
“Një nga vajzat më të përfolura të ekranit për shkak të natyrës ekspresive, humorit dhe ngacmimeve. Aktore filmi dhe teatri, një nga personazhet më të komentuar të Big Brother Vip, Olta Gixhari është zyrtarisht anëtare e jurisë së #DWTS!”, shkruhet për Olta Gixharin.
/Labirinth
- VIDEO/ “Jemi nisur një ditë para”, Olta Gixhari dhe Milaim Zeka bëhen gati për sonte
- VIDEO/ Me lot në sy, ja ku do ta shohim Kiara Titon të shtunën
- Këto shenja horoskopi do të kalojnë çdo pengesë brenda Tetorit
- Sheila Haxhiraj reagon sërish pas humbjes së vëllait: Ndjej praninë e mbështetjen tuaj në çdo fjalë zemre
- Sinoptikania parashikon motin për fundjavën: E diela sjell rrebeshe, ja zona që do preket
- VIDEO/ Ndjekësja i bën Ronaldos kërkesën e çuditshme për Romeon
