Miliona gra në SHBA do të humbasin të drejtën kushtetuese për abort, pas vendimit të Gjykatës së Lartë, duke rrëzuar kështu vendimin e marrë 50 vite më parë.
Sipas BBC, Presidenti Joe Biden e përshkroi këtë si “një gabim tragjik”.
“Shëndeti i grave dhe i kombit tonë është në rrezik”, tha Biden, i cili po ashtu tha se, ky vendim e kthen Amerikën 150 vjet prapa.
Sipas hulumtimit nga Planned Parenthood, një organizatë e kujdesit shëndetësor që ofron aborte, pas vendimit të Gjykatës së Lartë, qasja për abort pritet të ndërpritet për rreth 36 milionë gra të moshës riprodhuese. /Labirinth
