Nuk e dimë nëse ju ka rastisur, sot, të keni naviguar në “Google” dhe të shihni se sa e bukur është bërë logoja e tij.
Në të shfaqet një video e cila tregon gra të cilat punojnë nëpër profesione dhe detyra të ndryshme, duke treguar energjinë dhe forcën e tyre.
Në fund të videos jepet dhe një mesazh mjaft sensibilizues, ku dora e një gruaje të bardhë kapet me dorën e një gruaje afro-amerikane (ose siç i themi në zhargon: me ngjyrë).
Mesa duket mesazhi i “Google” për 8 Mars është që gratë duhet të jenë të bashkuara dhe duke qenë kështu, mund t’ia dalin mbanë.
Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi dhe ndërtim në gati 9 dekada. /Labirinth
